A delegación asturiana da ONG No Te Olvidaré (NTO) orixinaria de Lleida, organiza esta exposición de fotografías de Óscar Cela, coa que se quere achegar ó espectador ó mundo da solidariedade co continente africano, concretamente coa rexión de Tigray, en Etiopía, cun enorme potencial emerxente.

Esta ONG, dende a súa fundación en 2009, ten postas en marcha varias iniciativas en Wukro (Etiopía), co fin de mellorar as condicions de vida das suas xentes, e un desenrrolo económico sostible na zona. A exposición versa sobre un deles, a Escola de Guías de Wukro, encamiñado á formación e futura inserción laboral de mozos e mozas orfos, para que poidan exercer como guías de montaña e turismo no fermoso entorno natural que lles rodea.